مهم خبر:
په 1390 کال کې په ټولیزه توګه 8.39 میلیونه افغان ماشومان او نوي ځوانان د 39% ښځینه په شمول چې عمرونه یې د زده کړې له شرایطو سره برابر دي د پوهنې د نظام په چوکاټ کې د 190,000 ښوونکو له خوا چې 38% یې اناث تشکیلوي په 14,100 بابه تعلیمي موسساتو کې چې 50% یې تعمیرات او مصوون تعلیمي ماحول لري په زده کړه بوخت دي. دا په داسې حال کې ده چې لس کاله وړاندې د افغانستان د اسلامي جمهوریت د تاسیس څخه د مخه په ټول هیواد کې یوازې 3,400 بابه ښوونځي چې د زیاتره تعمیرات ړنګ شوي وو په نیمه توګه فعال وو چې له یو میلیون څخه کم شمیر زده کوونکو ته د 20,000 نارینه ښوونکو له خوا د یوه غیر معیاري نصاب په صورت کې زده کړه ورکول کیده او ښځینه طبقه په سیستماتیک ډول د پوهنې له نظام څخه حذف شوې وه.